SİYASƏT


Azərbaycanın Quba və Türkiyənin Erzin şəhərləri qardaşlaşmışlar

Ankara, 14 yanvar (AZƏRTAC). Azərbaycanın Quba və Türkiyənin Hatay vilayətindəki Erzin şəhərləri qardaş şəhərlər olmuşlar.

Bununla bağlı protokolu Türkiyənin Hatay vilayətində keçirilən birinci Beynəlxalq portağal festivalında iştirak edən Azərbaycan Respublikasının Diasporla İş üzrə Dövlət Komitəsi sədrinin müavini Valeh Hacıyev və Ercin şəhərinin kaymakamı İskəndər Yöndən imzalamışlar.

İmzalanma mərasimində Türkiyə Böyük Millət Məclisinin deputatları Mustafa Öztürk və İzzəddin Yılmaz da iştirak etmişlər.

Valeh Hacıyev və İskəndər Yöndən mərasimdə çıxış edərək, iki qardaş ölkənin şəhərləri arasında gələcək əməkdaşlığın ən yüksək səviyyədə olan münasibətlərimizə daha bir töhfə olacağını söyləmişlər. Bildirmişlər ki, imzalanmış protokola uyğun olaraq Quba və Erzin şəhərlərinin rəhbərləri və ictimaiyyətin nümayəndələrinin qarşılıqlı səfərləri təşkil ediləcək, iqtisadi və mədəni əməkdaşlığın perspektivləri müzakirə olunacaqdır.

Oqtay Bayramov

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.