Balaca gimnastlarımız arasında perspektivli idmançılar çoxdur
Bakı, 11 avqust, Göyçək Mahmudlu, AZƏRTAC
Milli Gimnastika Arenasında keçirilən bədii gimnastika üzrə 25-ci Azərbaycan çempionatı və Bakı birinciliyi yüksək səviyyədə təşkil olunub. Gimnastlarımız gərgin məşqlərin nəticələrini öz uğurlu çıxışları ilə göstərdilər.
Bu sözləri bədii gimnastika üzrə 25-ci Azərbaycan çempionatı və Bakı birinciliyində uğurla çıxış edən “Ocaq Sport” klubunun baş məşqçisi Elnarə Hüseynova AZƏRTAC-a müsahibəsində deyib.
“Qarşıdan “GymBala” beynəlxalq turniri gəlir. Yarışda qalib gəlmək, əldə olunan nəticələri yaxşılaşdırmaq üçün hazırlıqlar davam edir. Balaca gimnastlar arasında yaxşı perspektiv vəd edən, özünə inanan, bacarıqlarını tam ortaya qoyan gənc idmançılarımız da var. Onlardan hər an sürprizlər gözləmək olar. Həmin idmançılar böyüdükcə daha yaxşı nəticə göstərənləri yığmaya cəlb edəcəyik. Buna görə də milli komanda ilə birgə məşqlər də keçiririk”, - deyə E.Hüseynova qeyd edib.
Bölmənin digər xəbərləri
