Ombudsman BMT-nin Azərbaycandakı rezident əlaqələndiricisi ilə görüşüb
Bakı, 21 iyun, AZƏRTAC
Ombudsman Səbinə Əliyeva Birləşmiş Millətlər Təşkilatının (BMT) Azərbaycandakı rezident əlaqələndiricisi Qulam İshaqzai ilə ölkəmizdə diplomatik fəaliyyətinin başa çatması ilə əlaqədar görüşüb.
Ombudsman Aparatının mətbuat xidmətindən AZƏRTAC-a bildiriblər ki, görüşdə Səbinə Əliyeva fəaliyyəti dövründə ölkəmizdə insan hüquqlarının müdafiəsi ilə bağlı Ombudsman təsisatına verdiyi dəstəyə görə Qulam İshaqzaiyə təşəkkürünü bildirib.
Səmimi qəbula görə minnətdarlığını ifadə edən qonaq fəaliyyət dövründə ombudsman təsisatı ilə səmərəli əməkdaşlıq əlaqələrindən danışıb. O, BMT-nin Dayanaqlı İnkişaf Məqsədlərinə nail olunmasında təsisatın rolunun əhəmiyyətini xüsusi qeyd edib. Bildirilib ki, BMT-nin ölkə üzrə idarə heyəti və Azərbaycan Hökumətinin imzaladığı 2021 - 2025-ci illər üçün BMT-nin Dayanıqlı İnkişaf üzrə Əməkdaşlığa dair Çərçivə sənədi bu istiqamətdəki fəaliyyətə böyük təkan verəcək.
Sonda S. Əliyeva gələcək fəaliyyətində Qulam İshaqzaiyə uğurlar arzulayıb.
Bölmənin digər xəbərləri
