Fatih Birol: Neft və təbii qaz uzun illər istifadə olunmağa davam edəcək
Bakı, 4 sentyabr, AZƏRTAC
Neft və təbii qaz uzun illər istifadə olunmağa davam edəcək.
AZƏRTAC xarici mediaya istinadla xəbər verir ki, bunu Beynəlxalq Enerji Agentliyinin icraçı direktoru Fatih Birol deyib.
Fatih Birol Rusiyadan Avropaya uzanan təbii qaz boru kəmərlərini və Hörmüz boğazını qlobal enerji sisteminin iki vacib “arteriyası” adlandırıb: “Hazırda hər iki marşrut ciddi çətinliklərlə üzləşib. Hörmüz boğazındakı hadisələr ölkələri enerji siyasətlərini, ticarət tərəfdaşlarını və texnologiya seçimlərini yenidən nəzərdən keçirməyə sövq edib”.
“Qlobal enerji tarixinin fərqli dövrlərində müxtəlif enerji mənbələri ön plana çıxıb. Sənaye İnqilabında kömür, son 50 ildə isə neft və təbii qaz üstünlük təşkil edib. Hazırda ən sürətlə böyüyən enerji növü elektrik enerjisidir. Hər şeyin elektrikləşdirildiyi bir dövrə qədəm qoyuruq. Daha çox elektrik enerjisi istehsal edən və onu aşağı qiymətə istehsal edən ölkələr digərlərindən bir neçə addım öndə olacaq”, - deyə icraçı direktor vurğulayıb.
Bölmənin digər xəbərləri
