DÜNYA


Qahirədə Misir-İordaniya-İraq sammiti keçirilib

Qahirə, 25 mart, AZƏRTAC

Qahirədə Misir Prezidenti Əbdülfəttah əs-Sisi, İordaniya Kralı II Abdulla və İraqın Baş naziri Adel Əbdül-Mehdinin iştirakı ilə üçtərəfli sammit keçirilib.

AZƏRTAC xəbər verir ki, bununla bağlı Misir Prezidentinin dəftərxanasının rəsmi nümayəndəsi Bassam Radi məlumat verib. Onun sözlərinə görə, danışıqlarda müxtəlif sahələrdə üçtərəfli əməkdaşlığın inkişafı yolları, bu ölkələri birləşdirən tarixi münasibətlər çərçivəsində əlaqələndirmə və inteqrasiya məsələləri müzakirə olunub.

Sammitin yekunlarına dair birgə Bəyannamə qəbul edilib. Sənəddə bildirilir ki, üç ölkənin liderləri regionda baş verən son hadisələr ətrafında fikir mübadiləsi aparıblar və regional sabitliyin bərqərar olması üçün öz aralarında, həmçinin bütün ərəb ölkələri ilə böhranların və problemlərin həlli yollarının axtarılması üzrə əməkdaşlığı gücləndirməklə bağlı qəti mövqelərini vurğulayıblar. Onlar ümidvar olduqlarını bildiriblər ki, martın sonunda Tunisdə keçiriləcək Ərəb Dövlətləri Liqasının sammiti region ölkələri arasında həmrəyliyin və birgə fəaliyyətin möhkəmlənməsinə töhfə olacaq.

Birgə Bəyannamədə terrorçuluğa qarşı mübarizədə səylərin birləşdirilməsinin zəruriliyi də vurğulanıb, İraqın bərpası və qaçqınların qaytarılması istiqamətində Bağdada dəstək ifadə olunub.

Sammitdə iqtisadiyyat, siyasət, təhlükəsizlik, mədəniyyət və digər sahələrdə əməkdaşlığı əlaqləndirmək məqsədilə üçtərəfli işçi qrupunun yaradılması barədə razılıq əldə edilib.

 

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.