Türkiyədə torpaq sürüşməsi baş verib, 19 ailə təxliyə olunub
Ankara, 18 aprel, AZƏRTAC
Türkiyənin Trabzon vilayətinin Sürmənə rayonunda təbii fəlakət baş verib. Davamsız yağıntı və sel səbəbindən yaranan torpaq sürüşməsi nəticəsində məktəb binası, yataqxana və üç yaşayış binası torpaq altında qalıb.
AZƏRTAC xəbər verir ki, Türkiyə Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD) canlı qüvvəsi və texnikası təbi fəlakət bölgəsinə cəlb olunub. Bildirilir ki, davam edən yağıntı və sel təhlükəsi sürüşmə riskini daha da artırır. Bu səbəbdən 19 ailə təhlükəsiz ərazilərə təxliyə edilib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
