Bal ayına gedən britaniyalı cütlük Yunanıstanda helikopter qəzasında həlak olub

18.08.2026 [13:49]
Çap et
A⁺ A^-

London, 18 avqust, AZƏRTAC

Yunanıstanda bal ayında olan britaniyalı cütlük helikopterin qəzaya uğraması nəticəsində həyatını itirib.

AZƏRTAC “The Times” qəzetinə istinadla xəbər verir ki, polis cütlüyün Sifnos adasına getdiyini və helikopterin təyinat yerinə çatmasına bir neçə dəqiqə qalmış qəzaya uğradığını bildirib.

Afinada polis rəsmisinin verdiyi məlumata görə, qəza helikopterin yerli vaxtla saat 18:15-də planlaşdırılan enişindən cəmi bir neçə dəqiqə əvvəl baş verib. Təhlükəsizlik kameralarının qeydə aldığı görüntülərdə helikopterin idarəetməni itirərək havada fırlandığı, daha sonra yerə çırpıldığı və alovlandığı görünür.

Qeyd edək ki, hadisə nəticəsində helikopterin pilotu da həyatını itirib.

_{Aytən Abbaslı}

_{AZƏRTAC-ın xüsusi müxbiri}

_London