Teyara Velimetova: Kitabımın əsasını Müslüm Maqomayevlə Tamara Sinyavskayanın sevgi hekayəsi təşkil edib

17.08.2026 [23:38]
Çap et
A⁺ A^-

Bakı, 17 avqust, AZƏRTAC

Müslüm Maqomayevlə Tamara Sinyavskayanın sevgi hekayəsi yazıçı Teyara Velimetovanın müəllifi olduğu “Mənim uzun sevgim” kitabının əsasını təşkil edib.

Teyara Velimetovanın AZƏRTAC-a verdiyi məlumata görə, kitab Tamara Sinyavskayanın razılığı ilə 2019-cu ildə yazılıb. Əsərdə Tamara Sinyavskayanın 1972-ci ildə Bakıya gəlməsindən və Müslüm Maqomayevlə tanış olmasından sonra baş verən hadisələrdən bəhs edilir. Əsərin əsas xəttini sənətçilər arasındakı münasibətlərin onların toyuna qədər inkişafı, eləcə də birlikdə İtaliyaya səfərləri təşkil edir.

Müəllif kitab üzərində işləyərkən məşhur cütlüyü tanıyan insanların, o cümlədən Sevil Əliyevanın xatirələrindən, həmçinin digər materiallardan istifadə edib. Əsərdə real şahidliklər bədii təxəyyüllə vəhdət təşkil edir.

Teyara Velimetovanın sözlərinə görə, onun üçün əsas ilham mənbəyi Maqomayevlə Sinyavskayanın həyat hekayəsində gördüyü dərin, demək olar ki, kosmik sevgi hissi olub.

Müəllif, həmçinin vurğulayıb ki, Müslüm Maqomayevin ifasını dünya musiqi mədəniyyətində unikal hadisə kimi dəyərləndirir və onun yaradıcılıq irsinin gələcək nəsillərə çatdırılmasını zəruri hesab edir.

_{Müxbir – Lalə Minasazova}

_{Fotoqraflar – Nicat Həşimov, Xanlar Əlizadə}

_{Videooperator – Şövqi Əzizov}