REGİONLAR


Xaçmazın Aşağı Ləgər kəndində yeni bağça binası tikilir

Xaçmaz, 29 oktyabr, Elxan Yusifli, AZƏRTAC

Xaçmaz rayonun Aşağı Ləgər kəndində yeni bağça binası inşa olunur.

AZƏRTAC-ın bölgə müxbiri xəbər verir ki, 20 yerlik tərbiyə müəssisəsi bir qrupdan ibarət olacaq. Hazırda binada son tamamlama işləri aparılır. Tikintisi başa çatdıqdan sonra bağça körpələrin rahatlığını, istirahətini və ilkin biliklərə yiyələnməsini təmin etmək üçün lazımi inventarla təchiz olunacaq.

Bağçanın tikintisi ilə yerində maraqlanan Xaçmaz Rayon İcra Hakimiyyətinin başçısı Elnur Rzayev sakinlərlə söhbətində bildirib ki, son iki ildə rayonda 6 körpələr evi-uşaq bağçası üçün yeni bina inşa olunub.

Kənd sakinləri ölkəmizdə uşaqların sosial müdafiəsinin gücləndirilməsi ilə bağlı görülən işlərə görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını ifadə ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.