“Aston Villa” heyətini iki yeni futbolçu ilə gücləndirib
Bakı, 19 avqust, AZƏRTAC
İtaliyalı müdafiəçi Matteo Ruggeri və Yaponiya millisinin qapıçısı Zion Suzuki İngiltərənin “Aston Villa” komandasına keçib.
AZƏRTAC xəbər verir ki, bu barədə Birmingem klubu rəsmi saytında məlumat yayıb.
Ruggeri İspaniyanın “Atletiko Madrid” klubundan transfer olunub.O, 2025/2026-cı illər mövsümündə İspaniya La Liqasında 26 matç keçirib və 3 məhsuldar ötürmə edib. 24 yaşlı müdafiəçi Çempionlar Liqasında isə 15 oyunda 3 məhsuldar ötürmə ilə yadda qalıb. İspaniyalı futbolçu 2025-ci ildən “Atletiko”nun formasını geyinirdi.
Zion Suzuki isə Birmingem klubuna İtaliyanın “Parma” komandasından keçib. Yaponiyalı qapıçı geridə qalan mövsümdə 22 oyunda iştirak edib, 30 qol buraxıb və 6 dəfə qapısını toxunulmaz saxlayıb.
Bölmənin digər xəbərləri
