"Azərişıq" ASC-nin sədri Qaxda vətəndaşları qəbul edəcək
Bakı, 15 iyun, AZƏRTAC
"Azərişıq" ASC-nin sədri Vüqar Əhmədov 16 iyun saat 10:00-da Qax şəhərində Qax və Şəkidən olan vətəndaşları qəbul edəcək. Qəbul “Azərişıq”ın Qax şəhəri, Heydər Əliyev prospekti 2 ünvanında yerləşən inzibati binasında keçiriləcək.
ASC-dən AZƏRTAC-a bildiriblər ki, qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən baş tutacaq.
Qəbulda iştirak etmək istəyən şəxslər Qax Elektrik Şəbəkəsinə və ya "Azərişıq" ASC-nin 199 çağrı mərkəzinə, onlayn qaydada isə [email protected] elektron poçt ünvanına müraciət etməklə qeydiyyatdan keçə bilərlər.
Vətəndaşların diqqətinə çatdırırıq ki, qəbulda müraciətlər yalnız “Azərişıq” ASC-nin fəaliyyət istiqamətinə aid məsələlərlə bağlı olmalıdır.
Yeni növ koronavirus (COVID-19) infeksiyası ilə bağlı mövcud sanitar-epidemioloji vəziyyətə uyğun olaraq, qəbulda peyvənd və ya immun sertifikatı, eləcə də əks-göstəriş sertifikatı olan şəxslər iştirak edə bilərlər.
Bölmənin digər xəbərləri
