AAYDA həftə ərzində görülən işlər barədə məlumat yayıb
Bakı, 20 fevral, AZƏRTAC
Azərbaycan Avtomobil Yolları Dövlət Agentliyi (AAYDA) tərəfindən respublika ərazisində yol infrastrukturunun bərpası və təmiri sahəsində ötən həftə ərzində (13-20 fevral) görülən işlərlə bağlı məlumat yayılıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, sözügedən müddət ərzində Giləzi-Xızı avtomobil yolunun Giləzi qəsəbəsindən keçən hissəsinin əsaslı təmiri davam edir, paytaxtda daha bir yerüstü piyada keçidinin inşası yekunlaşıb və yeni piyada keçidi ilə piyadaların rahat və təhlükəsiz hərəkəti təmin olunub.
Bundan başqa, Qobustan və Şamaxı rayonlarından olan vətəndaşların qəbulu keçirilib, Zəngilan rayonunda “Heydər Əliyev və gələcəyə aparan yollar” adlı tədbir təşkil olunub və Zəngilan rayonunda “Mən fəxr edirəm ki, azərbaycanlıyam” adlı intellektual yarış təşkil edilib.
Bölmənin digər xəbərləri
