“ABAD” CƏLİLABADDA FƏALİYYƏTİNİ GENİŞLƏNDİRİR
Proqramın rəhbəri Tomas Lemli, “ABAD”ın Lənkəran iqtisadi rayonu üzrə marketinq mərkəzinin əməkdaşları və ABŞ-ın Azərbaycandakı səfirliyinin nümayəndələri Cəlilabad rayonunda “ABAD”ın maliyyələşdirdiyi müəssisələrin fəaliyyəti ilə yaxından tanış olmuşlar.
Göytəpə şəhərində “Elvin-2” kiçik müəssisəsinin direktoru Ağaqulu Hüseynov qonaqlara və jurnalistlərə bildirmişdir ki, rəhbərlik etdiyi qurum əsasən kartof istehsalı, tədarükü və satışı ilə məşğul olur və burada 15 nəfər daimi, 45 nəfər isə mövsümi işlərdə çalışır. Hazırda müəssisədə 50 tonluq soyuducu kameraların quraşdırılması üçün 200 kvadratmetr ərazidə talvar inşa edilir. 37 min ABŞ dollarına başa gələcək soyuducu kamarelar üçün “ABAD” 27 min dollar qrant ayırmışdır. May ayında istifadəyə veriləcək bu obyektdə daha 14 nəfər işlə təmin olunacaqdır.
Sonra qonaqlar müəssisənin əkin sahələri və buradakı şəraitlə, eləcə də “ABAD”-ın maliyyə dəstəyi ilə çalışan Cəlilabadın Hasıllı kəndindəki heyvandarlıq müəssisəsinin və Cəfərxanlı kəndindəki un dəyirmanının fəaliyyəti ilə də yaxından tanış olmuşlar.
Bölmənin digər xəbərləri
