ABİTURİYENTLƏR ORTA İXTİSAS MƏKTƏBLƏRİNİN 5-DƏK İXTİSAS KODUNU SEÇƏ BİLƏRLƏR
Tələbə Qəbulu üzrə Dövlət Komissiyasından AZƏRTAC-a bildirmişlər ki, 2008-2009-cu tədris ili üçün 9 illik (əsas) təhsil bazasından orta ixtisas məktəblərinə qəbul qaydalarına əsasən, abituriyentlər orta ixtisas təhsili müəssisələrinin təhsil forması ödənişsiz və ödənişli olan 5-dək ixtisas kodunu seçə bilərlər.
İxtisasların ardıcıllığı abituriyent tərəfindən müəyyənləşdirilir. Seçilmiş ixtisasların “Abituriyentin ərizəsi” formasında göstərilən ardıcıllığı müsabiqə zamanı hüquqi əsas kimi nəzərə alınacaq və abituriyent topladığı bala əsasən müsabiqədən keçdiyi ixtisasların birincisinə yerləşdiriləcəkdir.
Bölmənin digər xəbərləri
