ABŞ ALİMLƏRİ KAİNATIN DƏRİNLİKLƏRİNDƏ ULDUZLAR İSTEHSAL EDƏN “FABRİK” AŞKAR ETMİŞLƏR
AZƏRTAC xəbər verir ki, amerikalı alimlər Kainatın dərinliklərində ulduzlar istehsal edən “fabrik” aşkar etmişlər. NASA-nın əməkdaşı olan tədqiqatçı Piter Kapak “Astrofizikl cornel letters” jurnalının son nömrəsində bildirmişdir ki, bizdən 12, 3 milyard işiq ili məsafəsində yerləşən qalaktikanın dərinliklərində ildə 4 min ulduz əmələ gəlir. Müqayisə üçün deyək ki, bizim qalaktikamızda - Süd Yolunda hər il orta hesabla 10 səma cismi yaranır.
Bu kəşf “Spitser” infraqırmızı kosmik teleskopunun və “Habbl” orbital rəsədxanasının köməyi ilə edilmişdir.
Kapakın qeyd etdiyi kimi, əgər müasir təsəvvürlərə uyğun hesab etsək ki, Kainat özü 13,7 milyard il əvvəl yaranmışdır, onda belə çıxır ki, aşkar edilmiş qalaktika ulduzların “istehsalına” Kainatın yaşı 1,3 milyard il olanda başlamışdır. Tədqiqatçı demişdir: “Bu isə hələ lap “uşaq” yaşıdır və indi məsələ ondan ibarətdir: aşkar etdiyimiz qalaktika kimi, ən iri qalaktikaların əksəriyyəti Kainatın təkamülünün başlanğıc dövründə formalaşmışdır, yoxsa biz istisna ilə qarşılaşmışıq?”
Bölmənin digər xəbərləri
