ABŞ-da yaşlı əhalinin 70 faizi koronavirusa qarşı tam peyvəndlənib
Bakı, 2 noyabr, AZƏRTAC
ABŞ-da yetkinlik yaşına çatmış əhalinin 70 faizi COVID-19 infeksiyası əleyhinə tam vaksinasiya olunub.
AZƏRTAC Interfax informasiya agentliyinə istinadla xəbər verir ki, bunu Ağ evin koronavirus üzrə koordinatoru Ceffri Zients deyib.
Onun sözlərinə görə, indi diqqət 5-11 yaş arası uşaqların peyvəndlənməsinə yönəlib. Cozef Bayden administrasiyasının bu istiqamətdə səyləri xəstəliklərə nəzarət və onların profilaktikası mərkəzlərinin tövsiyəsi şərti ilə noyabrın 8-dən etibarən tam şəkildə start götürəcək. Ceffri Zients ölkədəki 28 milyon uşaq üçün kifayət qədər “Pfizer” peyvəndi alındığını bildirib.
Qeyd edək ki, bir müddət öncə ABŞ-ın qida məhsulları və tibbi preparatların keyfiyyətinə sanitar nəzarət idarəsi (FDA) 5-11 yaş arası uşaqların koronavirusa qarşı peyvəndlənməsi üçün “Pfizer-BioNTech” vaksinlərinin istifadəsini icazə verib. “Moderna” kompaniyası da FDA-dan müvafiq icazə ala bilər.
Bölmənin digər xəbərləri
