ABŞ-də ələ keçirilən 12 tarixi əsər Antalyaya gətirilib
Bakı, 25 mart, AZƏRTAC
Türkiyənin Mədəniyyət və Turizm Nazirliyinin həyata keçirdiyi tədbirlər nəticəsində ABŞ-də aşkarlanan və məhkəmə qərarı ilə Türkiyəyə qaytarılan Anadoluya aid 12 tarixi əsər Antalyaya gətirilib.
AZƏRTAC “TRT Haber”ə istinadla xəbər verir ki, məhkəmənin qərarı ilə Türkiyəyə qaytarılan və iki gün əvvəl Nyu-York Baş Konsulluğuna təhvil verilmiş tarixi əsərlər THY Karqo təyyarəsi ilə Antalya Hava Limanına endirilib. Əsərlər daha sonra Antalya Muzeyinə gətirilib.
Türkiyənin Burdur, Konya, Şanlıurfa, Çanaqqala, Manisa və Antalya bölgələrinə aid 12 dəyərli tarixi əsər martın 31-dən etibarən sərgilənəcək.
Bölmənin digər xəbərləri
