ABŞ dəniz piyada qoşunlarının əsgəri kazarmada qətlə yetirilib
Vaşinqton, 2 yanvar, AZƏRTAC
ABŞ-ın dəniz piyada qoşunlarının əsgəri Vaşinqtondakı hərbi hissədə növbədə olduğu zaman güllələnib.
AZƏRTAC xəbər verir ki, bu barədə ABŞ dəniz piyada qoşunları administrasiyasının rəsmi məlumatında bildirilir.
Kolumbiya dairəsinin polisi qeyd edib ki, hadisənin başvermə səbəbi hələ məlum deyil. İnsidentlə bağlı hüquq-mühafizə orqanları tərəfindən araşdırma aparılır.
Məlumatda, həmçinin bildirilib ki, insident hərbi hissənin ərazisində baş verdiyi üçün yerli sakinlər üçün təhlükə yaranmayıb.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
