ABŞ KEŞİKÇİSİ İRAQ GENERALININ ÖLÜMÜNDƏ TƏQSİRLİ BİLİNMİŞDİR
Baş uorrant-zabit Lyuis Uolşofer general-mayor Abid Moxuşun dindirilməsi zamanı işgəncə tətbiq etməkdə təqsirli bilinir. Təhqiqat materiallarında göstərilir ki, keşikçi əsirin başını yataq torbasına soxmuş, özü isə onun sinəsində oturmuşdur. Nəticədə general boğulmuşdur. Hərbi prokuror Tirnan Dolan məhkəmə prosesində bildirmişdir ki, saxlanılan şəxslər üçün düşərgədə generalla itdən də pis davranırlarmış.
Uolşoferin vəkilinin sözlərinə görə, keşikçi generalın İraq müqavimətini tamamilə qırmağa imkan verəcək məlumata malik olduğuna əmin idi. Həm də faciə yaraqlıların fəallaşdığı və çoxlu ABŞ əsgərinin həlak olduğu vaxtlar baş vermişdir.
Məhkəmə Uolşoferi insan ölümü ilə nəticələnmiş məsuliyyətsiz davranışda və vəzifəsinə səhlənkar yanaşmaqda təqsirli bilmişdir. İndi keçmiş keşikçini 3 il 3 ay müddətinə azadlıqdan məhrumedilmə cəzası gözləyir.
Bölmənin digər xəbərləri
