ABŞ müşahidəçiləri: Azərbaycanda vətəndaşların seçkilərdə fəallığı ilbəil artır
Bakı, 1 noyabr, Ramiz Quliyev, AZƏRTAC
Azərbaycanda seçki sistemi yaxşı təşkil olunub, vətəndaşların seçkilərdə fəallığı ilbəil artır. Bütün bunlar Azərbaycanın demokratik bir ölkə olduğunu göstərir.
Bu fikirləri AZƏRTAC-a müsahibəsində 24 saylı Nizami birinci seçki dairəsinin 14 saylı seçki məntəqəsində seçki prosesini izləyən ABŞ nümayəndələri Veyland Paul və Nyukomb Parker deyib. Seçki prosesinin və insanların fəallığının onlarda xoş təəssürat yaratdığını söyləyən müşahidəçilər bildiriblər ki, Azərbaycan şəffaf və azad seçkilərin keçirilməsi sahəsində böyük təcrübəyə malikdir.
Beynəlxalq müşahidəçilər qeyd ediblər ki, seçki prosesi dinc keçir və heç bir qanun pozuntusuna rast gəlməyiblər.
Bölmənin digər xəbərləri
