ABŞ neftin qiymətinə dair proqnozunu artırıb
Bakı, 10 iyun, AZƏRTAC
ABŞ “Brent” markalı xam neftin qiyməti ilə bağlı proqnozunu yüksəldib.
AZƏRTAC ABŞ-ın Enerji İnformasiya Administrasiyasının (EIA) yaydığı məlumata istinadla xəbər verir ki, EIA cari ildə “Brent”in bir barrelinin orta qiymətinin 38 dollar olacağını nəzərdə tutur. Ötənaykı proqnoz isə 34 dollar/barrel idi.
EIA bildirib ki, ilin birinci rübündə “Brent”in orta qiyməti 50 dollar/barrel oub. İkinci rübdə 28 dollar/barrel, üçüncü rübdə 36 dollar/barrel, son rübdə isə 38 dollar/barrel olacaq.
“Brent”in builki orta qiymətinin 38 dollar/barrel, gələn il isə 48 dollar/barrel olacağı gözlənilir.
EIA-ya görə, OPEC-in hasilatı azaltması və dünyada neft tələbatının artması ilə may ayında neft qiymətlərinin yüksəlib. Bu ilin ikinci yarısı və gələn il qlobal neft ehtiyatlarında azalma gözlənilir.
Bundan əlavə, koronavirusun yayılmasına qarşı görülən karantin tədbirlərinin yumşaldılması nəticəsində dünyada neft istehlakı artmağa başlayacaq. Beləliklə, OPEC-in hasilatı azaltmaqda davam etdiyi və COVID-19-dan sonra qlobal neft tələbatının artması ilə qiymətlər daha da arta bilər.
Bölmənin digər xəbərləri
