AÇG-də hasilatın aşağı düşməsinin sürətini azaltmaq üçün tədbirlər görülür
Bakı, 17 fevral, AZƏRTAC
“Azəri-Çıraq-Günəşli” (AÇG) yataqlar blokunda hasilatın aşağı düşmə prosesi gedir ki, bu da təbii haldır. Bu dövrdə əsas diqqət əlavə investisiyaların qoyulmasına, yeni texnologiyaların tətbiq edilməsinə və yeni quyuların qazılmasına yönəldilir. Bu yollarla hasilatın aşağı düşmə sürətini azaltmaq mümkündür və bunu edirik.
AZƏRTAC xəbər verir ki, bunu BP şirkətinin Azərbaycan, Gürcüstan və Türkiyə üzrə regional prezidenti Qari Counz bu gün şirkətin 2022-ci ilin yekunları ilə bağlı keçirdiyi brifinqdə deyib.
O bildirib ki, “Azəri-Mərkəzi-Şərqi” (ACE) platformasının tikintisi də uğurla davam etdirilir: “Tikintinin sürətindən və prosesindən çox məmnunuq. Artıq tikintinin 80 faizi başa çatıb. Bu ilin ikinci rübündə ACE platformasının üst modullarnın yola salınması planlaşdırılır. Daha sonra quraşdırılma işləri və quyu qazılması həyata keçiriləcək. Bu səbəbdən, ilk neftin gələn ilin birinci rübündə hasil olunması nəzərdə tutulur”.
Bölmənin digər xəbərləri
