Adanada keçiriləcək VI Aralıq dənizi konfransına tezislər qəbul olunur
Bakı, 9 oktyabr, AZƏRTAC
Oktyabrın 23-24-də Aralıq dənizi Beynəlxalq Sosial Elmlər Konqresi və UBAK Beynəlxalq Elmlər Akademiyası Birliyinin təşkilatçılığı ilə Adanada VI Aralıq dənizi konfransı keçiriləcək.
Bu barədə AZƏRTAC-a UNEC-dən məlumat verilib. Bildirilib ki, konfransda iştirak etmək istəyənlər tezislərini oktyabrın 18-dək təqdim etməlidirlər.
Ənənəvi və onlayn qaydada təşkil ediləcək konfransda iştirak ödənişlidir. Tələbələrə, müəllim və doktorantlara güzəştlər ediləcək.
Qeydiyyat üçün oktyabrın 19-dək müraciət etmək olar. Konfrans haqqında ətraflı məlumatla UNEC-in saytındakı link vasitəsilə tanış olmaq mümkündür.
Bölmənin digər xəbərləri
