Afrika İttifaqı Liviyanı prezident seçkilərini 2019-cu ilin oktyabrında keçirməyə çağırıb

12.02.2019 [13:23]
Çap et
A⁺ A^-

Əddis-Əbəbə, 12 fevral, AZƏRTAC

Afrika İttifaqı Liviyanı 2019-cu ilin ikinci yarısında milli barışıq konfransı və ümumxalq seçkiləri keçirməyə çağırıb.

AZƏRTAC xəbər verir ki, bu barədə təşkilatın Əddis-Əbəbədə keçirilmiş sammitinin yekun bəyannaməsində deyilir.

Sənəddə qeyd olunur ki, regional təşkilat BMT ilə birgə Liviyada 2019-cu il iyulun birinci yarısında milli barışıq konfransının keçirilməsi üçün addımlar atmaq niyyətindədir. Həmçinin sənəddə BMT ilə birlikdə Liviyada prezident və qanunvericilik orqanlarına seçkilərin 2019-cu ilin oktyabrında keçirilməsinin təşkili üçün bütün lazımi tədbirlərin görülməsinin vacibliyi vurğulanır.

Asya Hacızadə

AZƏRTAC-ın xüsusi müxbiri

Əddis-Əbəbə