AĞDAM RAYONUNDA AZƏRBAYCAN QADINLARININ III QURULTAYINA HAZIRLIQLA BAĞLI KONFRANS KEÇİRİLMİŞDİR
AZƏRTAC xəbər verir ki, Azərbaycan qadınlarının III qurultayına hazırlıqla bağlı Quzanlı qəsəbəsində Ağdam rayon qadınlarının konfransı keçirilmişdir.
Konfransda Azərbaycanda dövlət qadın siyasətindən, qadınlara göstərilən diqqət və qayğıdan, onların ölkənin ictimai-siyasi həyatında fəal iştirakından bəhs olunmuş, rayon Qadınlar Şurasının fəaliyyəti haqqında məlumat verilmişdir.
Ailə, Qadın və Uşaq Problemləri üzrə Dövlət Komitəsi sədrinin müavini Sədaqət Qəhrəmanova və digər çıxış edənlər qadınları narahat edən problemlərdən və onların həlli yollarından danışmışlar.
Konfransda respublika qadınlarının III qurultayına nümayəndələr seçilmiş, rayon Ağbirçəklər Şurası yaradılaraq tərkibi təsdiq edilmişdir.
Bölmənin digər xəbərləri
