AĞDAMDA AZƏRBAYCAN XALQ CÜMHURİYYƏTİNİN 90 İLLİYİNƏ HƏSR OLUNMUŞ TƏNTƏNƏLİ YIĞINCAQ KEÇİRİLMİŞDİR
AZƏRTAC xəbər verir ki, Ağdamın Quzanlı qəsəbəsində Azərbaycan Xalq Cümhuriyyətinin 90 illiyinə həsr olunmuş təntənəli yığıncaq keçirilmişdir.
Yığıncaqda çıxış edən Ağdam Rayon İcra Hakimiyyətinin başçısı Həsən Sarıyev Şərqdə ilk demokratik respublika olan Azərbaycan Xalq Cümhuriyyətinin yaradılmasından, fəaliyyətindən, 1920-ci ilin aprelində bolşevik Rusiyası tərəfindən devrilməsindən və əsrin sonunda müstəqilliyini yenidən bərpa etməsindən danışmışdır. Bildirmişdir ki, Azərbaycanın dövlət müstəqilliyi ulu öndər Heydər Əliyevin və onun davamçısı Prezident İlham Əliyevin apardığı siyasət nəticəsində qüvvətlənmiş, respublikamız sosial-iqtisadi inkişaf səviyyəsinə görə regionda lider dövlətə çevrilmişdir.
H. Sarıyev qeyd etmişdir ki, ağdamlılar hər zaman ümummilli lider Heydər Əliyev siyasətinə sadiq olmuşlar və qarşıdan gələn seçkilərdə ulu öndərin siyasi kursunun davamçısı, respublikamızı sosial-iqtisadi inkişafa və firavan gələcəyə aparan Prezident İlham Əliyevə səs verəcəklər.
Yığıncaq iştirakçıları adından Prezident İlham Əliyevə müraciət qəbul olunmuşdur.
Tədbir bayram konserti ilə davam etdirilmişdir.
