AĞDAŞDA ƏMƏK YARMARKASI KEÇİRİLMİŞDİR
Ağdaş, 3 oktyabr (AZƏRTAC). Ağdaş rayonunda işsiz vətəndaşların məşğulluğunun təmin edilməsi məqsədi ilə oktyabrın 2-də növbəti əmək yarmarkası keçirilmişdir.
Tədbirin açılış mərasimində Ağdaş Rayon İcra Hakimiyyəti başçısının sosial-iqtisadi məsələlər üzrə müavini İsmayıl Yusifzadə, Baş Məşğulluq İdarəsinin məsul işçisi Ülvü İsmayılov, rayon məşğulluq idarəsinin rəisi İlqar İsmayılov çıxış edərək ölkəmizin sosial-iqtisadi inkişafı istiqamətində görülən işlərdən, əhalinin məşğulluğunun təmin edilməsi, yoxsulluğun aradan qaldırılması məqsədi ilə həyata keçirilən tədbirlərdən danışmışdır.
Yarmarkada vətəndaşlara 23 idarə, müəssisə və təşkilat tərəfindən 174 boş iş yeri təklif olunmuşdur. İş yerlərindən 129-u dövlət, 45-i özəl təşkilatların payına düşür.
Yarmarkada iştirak edən vətəndaşlardan 115-i öz istəyinə və ixtisasına uyğun işə göndəriş vərəqəsi almışdır.
Bölmənin digər xəbərləri
