Ağır atletika üzrə Azərbaycan birinciliyi keçiriləcək
Bakı, 10 may, AZƏRTAC
Mayın 11-12-də gənclər arasında ağır atletika üzrə Azərbaycan birinciliyi keçiriləcək.
Azərbaycan Ağır Atletika Federasiyasından AZƏRTAC-a bildiriblər ki, birincilik Şüvəlan qəsəbəsindəki Ağır Atletika Akademiyasının yarış zalında təşkil olunacaq. Yarışda ölkənin bütün regionlarından klub və cəmiyyətləri təmsil edən yüzə yaxın atlet iştirak edəcək.
Çempionatın təşkilində məqsəd idmançıların ustalıq səviyyəsinin artırılması, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
Bölmənin digər xəbərləri
