AĞIR ATLETİKA ÜZRƏ MDB KUBOKU YARIŞLARINDA AZƏRBAYCAN İDMANÇILARI 14 MEDAL QAZANMIŞLAR
Bakı, 15 dekabr (AZƏRTAC). Belarusun Brest şəhərində veteran idmançılar və 1995-ci il təvəllüdlü gənclər arasında ağır atletika üzrə 7-ci MDB Kuboku yarışları başa çatmışdır. Bu yarışlarda Azərbaycanın “Veteran ağır atletlər” ictimai birliyini təmsil edən 6 veteran və 8 gənc idmançı iştirak etmişdir. Birlikdən verilən məlumata görə, azərbaycanlı ağır atletlər 10 qızıl, 2 gümüş və 2 bürünc medal qazanmışlar. 35-39 yaşlı veteranların yarışında Əhməd Şahbazov (94 kq), Nəsimi Bağırov (105 kq), Ağakərim Kərimov (105 kq-dan çox) qızıl medallara layiq görülmüş, Teymur Əliquliyev (85 kq) gümüş medal qazanmışdır. 50-54 yaşlı ağır atletlər arasında Akif Əliyev (56 kq) qalib gəlmişdir. 40-44 yaşlı veteranlar arasında Oqtay Muxtarov (77 kq) bürünc medala sahib olmuşdur.
Gənc idmançılardan Fərrux Fətəliyev (34 kq), Əli Məmmədli (38 kq), Kənan Əliquluzadə (42 kq), Paşa İbrahimli (50 kq), Elxan Əliquluzadə (56 kq) və Ceyhun Tağızadə (62 kq) qızıl medal qazanmışlar. Azər Məmmədli (105 kq-dan çox) gümüş medala, Rüstəm İmanzadə (34 kq) bürünc medala layiq görülmüşdür.
Bölmənin digər xəbərləri
