AĞIR ATLETİMİZ VƏTƏNƏ DAHA BİR QIZIL MEDALLA QAYITMIŞDIR

11.05.2006 [15:01]
Çap et
A⁺ A^-

AZƏRTAC xəbər verir ki, Polşada ağır atletika üzrə növbəti Avropa çempionatında Azərbaycan idmançısı Nizami Paşayev uğurla çıxış etmişdir.

Xatırladaq ki, 94 kiloqramadək çəki dərəcəsində çıxış edən idmançımız Polşada birdən 186 kiloqram, təkanla isə 216 kiloqram ağırlıq qaldırmışdır. N.Paşayev ikinövçülükdə 402 kiloqram nəticə ilə fəxri birinci yeri tutmuşdur.

Nizami Paşayevin rəqibi, polşalı Şimon Koletski 8 kiloqram az ağırlıq qaldıraraq, ikinci yerə çıxmışdır. İkinövçülükdə üst-üstə 393 kiloqram qaldıran rusiyalı Andrey Demanov üçüncü olmuşdur.

Nizami Paşayev AZƏRTAC-ın müxbirinə bildirmişdir ki, bu qələbəsini ümummilli lider Heydər Əliyevin anadan olmasının 83-cü ildönümünə həsr etmişdir. Onun sözlərinə görə, əvvəlki qələbəsi kimi, bu uğuru da gərgin mübarizədə əldə olunmuşdur.

İdmançımızın qarşısına qoyduğu başlıca vəzifə Pekində keçiriləcək Olimpiya oyunlarından qələbə ilə qayıtmaqdır.