Ağstafada sərbəst güləş üzrə açıq rayon birinciliyinin qalibləri mükafatlandırılıb
Ağstafa, 1 may, Famil Quliyev, AZƏRTAC
Azərbaycan Xalq Cümhuriyyətinin yaranmasının 100 illiyi ilə əlaqədar Ağstafa şəhər 3 nömrəli tam orta məktəbin idman zalında sərbəst güləş üzrə açıq rayon birinciliyi keçirilib.
Rayon Gənclər və İdman İdarəsindən AZƏRTAC-ın bölgə müxbirinə bildiriblər ki, 14 çəki dərəcəsi üzrə keçirilən yarışda Ağstafa idmançıları ilə yanaşı, Tovuz və Qazax rayonlarının 100-dən çox yeniyetmə pəhləvanı qüvvələrini sınayıb. Maraqlı və gərgin idman mübarizəsi şəraitinda keçən birincilikdə 1-ci yerə Ağstafa, 2-ci yerə Tovuz, 3-cü yerə Qazax güləş komandaları layiq görülüblər.
Qaliblər müvafiq diplom və hədiyyələrlə təltif olunublar.
Bölmənin digər xəbərləri
