AĞSU YÜKSƏKGƏRGİNLİKLİ ELEKTRİK ŞƏBƏKƏSİNDƏ TƏMİR İŞLƏRİ APARILIR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, istehlakçıların elektrik enerjisinə olan tələbatını tam və keyfiyyətlə ödəmək məqsədilə Ağsu YGEŞ-in yardımçı stansiyasında və elektrikötürücü xətlərində təmir işləri həyata keçirilir.
35 kilovoltluq Çuxuryurd yardımçı stansiyasının gücü artırılmışdır.
Cari ildə müxtəlif gücə malik yardımçı stansiyalarda transformatorlar, yağ açarları və digər avadanlıq təmir edilmişdir. Müxtəlif gərginlikli elektrikötürücü xətlərin 90 kilometrə yaxın hissəsində təmir işləri aparılmışdır.
Paylayıcı elektrik şəbəkələrinə gün ərzində orta hesabla 700 min kilovat-saatdan artıq elektrik enerjisi ötürülür.
Xatırladaq ki, Ağsu YGEŞ Qobustan şəhəri, Ağsu, Kürdəmir, Şamaxı və İsmayıllı rayonlarının inzibati ərazisində yerləşən, ümumi uzunluğu 860 kilometrə yaxın olan elektrikötürücü xətlərinə və 30 yardımçı stansiyaya xidmət edir.
Bölmənin digər xəbərləri
