Aİ-nin 26 ölkəsi Ukraynaya dəstəyini ifadə edib
Budapeşt, 27 iyun, AZƏRTAC
Avropa Şurasının sammitində Aİ ölkələri Ukraynada BMT Nizamnaməsi və beynəlxalq hüquq prinsipləri əsasında hərtərəfli, ədalətli və davamlı sülhün bərqərar olmasını dəstəkləyib.
AZƏRTAC xəbər verir ki, Avropa Şurası da bu prinsiplər əsasında sülhə nail olmaq üçün bütün səyləri, o cümlədən ABŞ-ın üzərinə götürdüyü öhdəlikləri alqışlayıb.
Bununla belə, bəyanat layihəsini Macarıstan istisna olmaqla, Aİ-nin 27 ölkəsindən 26-sı dəstəkləyib. Qeyd olunur ki, Budapeşt Ukrayna ilə bağlı Avropa İttifaqı ilə strateji fikir ayrılıqlarına görə mətnin sammitin yekunlarına daxil edilməsinə mane olub. Ona görə də sənəd rəsmi təsdiq olunmayıb və onun mətni sammitin yekunlarına əlavə kimi dərc edilib.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
