SİYASƏT
Aleksandra Jurovic: Müşahidələrim əsasında seçkinin tam demokratik keçdiyini söyləyə bilərəm
Bakı, 1 noyabr, Elvin Camalov, AZƏRTAC
İnsanlar heç bir müdaxilə olmadan istədikləri namizədə səs verə bilirlər.
Bu fikirləri AZƏRTAC-a müsahibəsində 34 saylı Xətai ikinci seçki dairəsinin 16 saylı məntəqəsində Serbiyadan olan AŞPA təmsilçisi Aleksandra Jurovic deyib.
AŞPA təmsilçisi Xətai rayonu üzrə bir neçə məntəqələrdə olduğunu bildirib və seçkinin yüksək səviyyədə keçdiyini vurğulayıb.
“Səhər saatlarına nisbətən indi aktivlik daha da artıb. Əhalinin seçkilərdə aktiv iştirakı seçkiyə olan marağın yüksək olduğunu göstərir. Hər bir şəxs sərbəst şəkildə istədiyi namizədə səs verə bilir. Seçki məntəqələrində daşınan qutuların, veb-kameraların, yüksək səviyyədə təşkilatçılığın şahidi oldum. Müşahidələrim əsasında seçkinin tam demokratik keçdiyini söyləyə bilərəm”, - deyə Aleksandra Jurovic vurğulayıb.