ALİ MƏKTƏBLƏRARASI ELEKTRON KİTABXANASI YARADILIR
İnformasiya texnologiyaları sahəsində ixtisaslaşan “Gələcək naminə” ictimai təşkilatı Azərbaycanın dörd ali məktəbinin kitabxana fondlarının elektron kataloqunu yaratmağa başlamışdır.
”Kitabxana informasiya şəbəkəsi” layihəsi çərçivəsində həyata keçirilən bu iş Azərbaycan Dövlət İqtisad Universitetinin, Gənclər, İdman və Turizm Nazirliyinin və digər qurumların təşkilati dəstəyi ilə “Ekson-Azərbaycan” şirkəti tərəfindən maliyyələşdirilir.
Elektron kitabxanasının yaradılması ölkənin ali məktəbləri üçün böyük əhəmiyyətə malikdir. Layihənin həyata keçirilməsi nəticəsində Bakı Dövlət Universitetinin, Azərbaycan İqtisad Universitetinin, Xarici Dillər Universitetinin və Neft Akademiyasının kitabxanaları İnternet şəbəkəsində 40 min kitab haqqında informasiya yerləşdimək imkanı əldə edəcəklər.
“Ekson-Azərbaycan” şirkəti İnternetə çıxışı olmayan tələbələrin elektron kitabxanasından istifadə etməsinə imkanı yaratmaq üçün layihəyə daxil olan ali məktəblərin kitabxanalarını kompüterlərlə də təchiz edəcəkdir. Bu iş ilin sonunadək davam etdiriləcək, elektron kitabxanası isə 2003-cü ilin əvvəlindən fəaliyyət göstərəcəkdir.
Bölmənin digər xəbərləri
