Alman rəssamın “Space-Speech Speed” işıq instalyasiyası “Kapellhaus”da
Bakı, 5 mart, AZƏRTAC
Martın 10-da “Kapellhaus” Alman-Azərbaycan Mədəniyyət Birliyində tanınmış alman rəssamı Mişa Kubalın “Space-Speech Speed” işıq instalyasiyası təqdim ediləcək.
Mədəniyyət Birliyindən AZƏRTAC-a verilən məlumata görə, “Space-Speech-Speed” işıq instalyasiyası səssizlikdə nümayiş olunur. Bir ay ərzində - aprelin 8-dək “Kapellhaus”un əsas salonu insana düşünmək və istirahət imkanı yaradan heyranedici işıq instalyasiyasına meydan verəcək.
Qeyd edək ki, incəsənətlə 40 ildən bəri məşğul olan rəssam işıq effektlərindən geniş şəkildə istifadə edir və onu şəhər strukturunda fəaliyyət göstərən səmərəli vasitə kimi təsvir edir. Rəssamın müdaxilələri əvvəlcədən gözə dəyməyən detalları daha qabarıq şəkildə önə çəkən, adi halı qeyri-adi hala çevirən və məkanın tanınmaz dərəcədə dəyişməsini təmin edən işıq və qaranlığın güclü istifadəsi ilə seçilir.
Bölmənin digər xəbərləri
