Almaniyada əcnəbi tələbələrin sayına görə Aşağı Saksoniya liderdir
Berlin, 30 iyul, AZƏRTAC
Avropa İttifaqına təhsil almağa üz tutan əcnəbilərin sayı gündən-günə artır. Almaniya da bu cəhətdən bütün Avropa İttifaqından geri qalmır. Əcnəbi tələbələrin qəbulunda Aşağı Saksoniya federal əyaləti daha çox maraqlıdır. Burada əcnəbi tələbələr arasında birinci yeri Vışeqrad dördlüyü (V4) ölkələrinin vətəndaşları tutur. Onların sayı Almaniyanın bu əyalətində təhsil alanların ümumi sayının yarısını təşkil edir.
AZƏRTAC bu barədə əyalətin təhsil qurumu tərəfindən toplanılan məlumatlara istinadla xəbər verir.
2008-ci ildə Aşağı Saksoniyanın ali təhsil müəssisələrinin diplomunu almağa 30121 əcnəbi səy göstərib. Onların dörddəbiri V4 ölkələrinin vətəndaşlarıdır. 2018-ci ildə burada əcnəbi pasportla qeydiyyatdan keçən tələbələrin sayı artıq iki dəfə çox, yəni tələbələrin ümumi sayının yarısı qədər olub.
Son illər Aşağı Saksoniyanın ali məktəblərində daha çox Azərbaycan, Ukrayna, Qazaxıstan və Gürcüstandan gələn tələbələrin sayı artıb. Hazırda adıçəkilən ölkələrdən olan tələbələrin sayı Almaniyanın bu federal əyalətinin Drezden, Leypsiq, Svikau və digər şəhərlərində təhsil alan əcnəbi tələbələrin ümumi sayının 13 faizini təşkil edir.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
