ALMANİYADAN GƏTİRİLMİŞ DAMAZLIQ HEYVANLAR SULU-ŞİRƏLİ YONCA VƏ QÜVVƏLİ YEMLƏ QİDALANIR
Bakı, 20 fevral (AZƏRTAC). “Aqrolizinq” Açıq Səhmdar Cəmiyyətindən bildirmişlər ki, Almaniyadan Azərbaycana gətirilmiş cins damazlıq heyvanlar, əsasən, sulu-şirəli yonca və qüvvəli yemlə qidalanır.
Mövsümə uyğun olaraq onlara yaşıl kütlə, silos, senaj və quru ot verilir. Həmin cinslər südlük-ətlik heyvanlardır. Qara-ala holland frizi tam südlük cinsdir. Bu heyvan laktasiya müddətində (305 gün) 3,9-4,1 faiz yağlılığa malik 9-10 min kiloqram süd verir. Şvis və simmental cinsləri isə həm ətlik, həm də südlük istiqamətli heyvanlardır. Laktasiya müddətində onlardan yağlılığı 4-4,2 faiz olan 5-6 min kiloqram süd sağılır.
Bölmənin digər xəbərləri
