ALMATIDA 162 METRLİK GÖYDƏLƏN TİKİLƏCƏK
Layihənin müəllifləri - ABŞ-ın “Skidmor Ouinqs ənd Merri” şirkətinin memarları bildirmişlər ki, qüllənin fasadının bəzədilməsində müasir dizaynla yanaşı, qazax xalçalarının ənənəvi naxışlarından da istifadə olunacaqdır. Şəffaf divarların parlaqlığını artırmaq üçün “dağ bülluru” rəngində şüşədən istifadə ediləcəkdir.
Almatının XIX əsrin sonlarında-XX əsrin əvvəllərində zəlzələ nəticəsində tamamilə dağıldığını nəzərə alaraq, binanın tikintisinə dünyada seysmik cəhətdən dözümlü 14 göydələndən 4-nü inşa etmiş Nyu-Yorkun Lesli E.Robertson Associates (LERA) şirkətinin mühəndisləri cəlb olunmuşlar.
Çevrilmiş göbələyi xatırladan, demək olar, bir mərtəbə qalınlığında beton balışın üstündə dayanacaq göydələn ən güclü zəlzələyə tab gətirəcəkdir. Binanın 4 mərtəbəsi yerin altında tikiləcəkdir.
Yerli mütəxəssislər layihəni “siyasi layihə” adlandırırlar, çünki o, dünyaya yeni Qazaxıstanın imkanlarını nümayiş etdirəcəkdir. Hələlik Almatıda ən hündür bina 1970-ci illərdə tikilmiş 25 mərtəbəli “Qazaxıstan” mehmanxanasıdır.
Bölmənin digər xəbərləri
