AMEA-nın müxbir üzvü Hacıfəxrəddin Səfərlinin biblioqrafik göstəricisi nəşr olunub
Bakı, 29 dekabr, AZƏRTAC
Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) tərtibatında görkəmli tarixçi-alim Hacıfəxrəddin Səfərlinin biblioqrafik göstəricisi çapdan çıxıb.
MEK-dən AZƏRTAC-a bildirilib ki, göstərici AMEA-nın müxbir üzvü, tarix elmləri doktoru, professor, Əməkdar elm xadimi Hacıfəxrəddin Səfərlinin 75 illik yubileyi haqqında AMEA Rəyasət Heyətinin qərarına əsasən tərtib olunub və alimin həyatı, elmi-pedaqoji, ictimai fəaliyyətini, 1979-2024-cü illərdəki elmi əsərlərinin biblioqrafiyasını, rəy verdiyi, redaktə etdiyi əsərlər, eyni zamanda, doktorant və dissertantlara elmi rəhbərliyi və s. haqqında yazılmış mənbələri əhatə edir.
Vəsaitin elmi redaktoru MEK-in direktoru texnika elmləri doktoru, dosent Hüseyn Hüseynov, redaktorları Biblioqrafiya şöbəsinin rəhbəri filologiya üzrə fəlsəfə doktoru Aytən Əliyeva və Elmi biblioqrafiya sektorunun müdiri Nərgiz Novruzova, tərtibçisi isə əməkdaş Təranə Rüstəmovadır.
Biblioqrafik göstərici tarix, etnoqrafiya, arxeologiya üzrə elmi-tədqiqat işi aparan alim və mütəxəssislər, ali məktəb müəllimləri və tələbələr üçün qiymətli elmi mənbədir.
Bölmənin digər xəbərləri
