AMERİKA YENİYETMƏLƏRİ EŞİTMƏ QABİLİYYƏTLƏRİNİ İTİRİRLƏR
Yeniyetmələr pleyerlərdən yaşlılardan daha çox istifadə edir və musiqini maksimum gur səslə dinləməyə üstünlük verirlər. Sorğuya əsasən, yeniyetmələrin 28 faizi musiqini ucadan dinləyir. Rəyi soruşulanların 29 faizi bildirmişdir ki, həmsöhbətindən dediklərini təkrarlamağı xahiş etmək vərdişi var, 17 faizi isə qulaqlarındakı cingiltidən əziyyət çəkir. Gur musiqinin təsiri altında səs reseptorlarının hüceyrələri müvəqqəti tənəzzülə uğrayır və mütəmadi, uzunsürən və intensiv təsir altında reseptorlar bərpa qabiliyyətini itirir, buna görə də onun pozulması prosesi qarşısıalınmaz olur.
Amerika tədqiqatçılarının məlumatına görə, səsin sağlamlıq üçün ən təhlükəsiz səviyyəsi gündə 8 saat ərzində 85 desibeldir. Bu, tozsoranın səsi səviyyəsindədir. Səs səviyyəsinin 3 desibel artması onun təsirinin təhlükəsiz dövrünün 2 dəfə azalması deməkdir.
Avropa İttifaqı ölkələrində audiotexnikanın səslənmə ucalığını tənzimləyən qanun fəaliyyət göstərir. Onun normalarına əsasən, pleyerlərdə səsin ucalığı 100 desibeldən çox olmamalıdır.
