ANKARADA ABŞ VƏ TÜRKİYƏ HÖKUMƏTLƏRİ NABUKKO LAYİHƏSİNİ MÜZAKİRƏ ETMİŞLƏR
AZƏRTAC-ın xüsusi müxbiri xəbər verir ki, iyulun 11-də Türkiyənin Baş naziri Rəcəb Tayyib Ərdoğan Ankarada səfərdə olan ABŞ-ın Avrasiya enerjisi məsələləri üzrə xüsusi elçisi Bayden Qreyi qəbul etmişdir.
Mətbuat üçün qapalı keçən görüşdən sonra jurnalistlərə müsahibə verən ABŞ rəsmisi bildirmişdir ki, Xəzər dənizi karbohidrogen ehtiyatlarının Türkiyə ərazisindən Avropaya nəqli əsas müzakirə mövzusu olmuşdur. Xüsusilə, Nabukko layihəsinin tezliklə həyata keçirilməsi üçün görüləcək birgə tədbirlər ətrafında fikir mübadiləsi aparılmışdır.
Türkiyənin Baş naziri ilə müzakirələrin olduqca səmərəli keçdiyini diqqətə çatdıran Bayden Qrey onu da əlavə etmişdir ki, strateji müttəfiqlər olan Türkiyə və ABŞ üçün enerji sahəsində tərəfdaşlıq mühüm yer tutur.
Daha sonra Bayden Qrey Türkiyənin enerji və təbii ehtiyatlar naziri Hilmi Gülərlə görüşmüşdür. Tərəflərin yaxın vaxtlarda Nabukko layihəsinə dair imzalanacaq sənədin detallarını ətraflı müzakirə etdikləri bildirilir.
Bölmənin digər xəbərləri
