Antverpendə dağıntılar altında qalan dördüncü adamın cəsədi tapılıb
Brüssel, 5 sentyabr, AZƏRTAC
Dünən Antverpen şəhərinin Vilriyke rayonunda baş verən partlayışdan sonra itkin düşən dördüncü adamın cəsədi evin dağıntıları altından tapılıb. Digər üç zərərçəkən xəstəxanada müalicə olunur. Həlak olanlardan sonuncusu 87 yaşlı qadın olub. Qəza xidmətləri onu bütün gecə dağıntılar altında axtarıblar.
AZƏRTAC Belçika KİV-lərinə istinadla xəbər verir ki, dünən baş verən qaz partlayışı Antverpenin bu hissəsində iki yaşayış evini tamamilə dağıdıb. Digər üç evə ciddi zərər dəyib. 76 və 57 yaşlı iki kişi və 47 yaşlı qadın dağıntılar altından sağ çıxarılıb. Xilasedicilər dördüncü adamı xidməti itlərin köməyi ilə axtarıb və qadını ölü vəziyyətində tapıblar.
Hüquq-mühafizə orqanları fövqəladə halın başvermə səbəbi ilə bağlı təhqiqata başlayıblar.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
