Aprel ayına hava proqnozu açıqlanmışdır
Bakı, 28 fevral (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti aprel ayına olan hava proqnozunu açıqlamışdır.
Nazirliyin mətbuat xidmətindən AZƏRTAC-a bildirmişlər ki, proqnoza görə, aprel ayında havanın orta aylıq temperaturunun iqlim normasına yaxın və bir qədər yüksək olacağı gözlənilir. Aylıq yağıntının miqdarının iqlim normasına yaxın olacağı ehtimal olunur. Aprel ayın əvvəlində hava şəraitinin nisbətən sabit və mülayim keçəcəyi gözlənilir.
Bakıda və Abşeron yarımadasında orta aylıq temperaturun 13-16 dərəcə isti olacağı gözlənilir ki, bu da iqlim normasından bir qədər yüksəkdir. Gecələr temperatur 7-12, ayın ikinci yarısının bəzi günlərində 13-15 dərəcə isti təşkil edəcək. Gündüzlər 17-22 dərəcə isti, bəzi günlərdə 26-31 dərəcəyədək yüksələcək. Aylıq yağıntının miqdarının iqlim normasına yaxın, bəzi yerlərdə isə bir qədər az (norma 23-33 mm) olacağı gözlənilir.
Naxçıvan Muxtar Respublikasında havanın orta aylıq temperaturu 12-16 dərəcə isti təşkil edəcək ki, bu da iqlim normasına yaxın və bir qədər yüksəkdir. Gecələr temperaturun 4-9 dərəcə, bəzi günlərdə 9-13 dərəcə isti təşkil edəcəyi, gündüzlər 17-22 dərəcə isti, bəzi günlərdə 25-29 dərəcəyədək yüksələcək. Aylıq yağıntının miqdarı iqlim normasına yaxın (norma 34-59 mm), bəzi yerlərdə isə bir qədər az olacağı gözlənilir.
Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər, Daşkəsən və Gədəbəy rayonlarında orta aylıq temperatur 8-12 dərəcə isti təşkil edəcək ki, bu da iqlim normasına yaxın və bir qədər yüksəkdir. Gecələr 2-7 dərəcə, gündüzlər 10-15 dərəcə isti olacaq, bəzi günlərində temperatur 18-23 dərəcəyədək yüksələcəkdir. Aylıq yağıntının miqdarının iqlim normasına yaxın (norma 54-83 mm), bəzi yerlərdə isə bir qədər az olacağı gözlənilir.
Qazax, Gəncə, Goranboy, Tərtər, Ağdam, Füzuli və Cəbrayıl rayonlarında havanın orta aylıq temperaturunun 13-17 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr temperatur 6-11 dərəcə isti, bəzi günlərdə 12-15 dərəcə isti təşkil edəcəkdir. Gündüzlər 18-23 dərəcə isti olacaq, bəzi günlərində temperatur 25—29 dərəcəyədək yüksələcəkdir. Aylıq yağıntının miqdarının iqlim normasına yaxın (norma 31-54 mm), bəzi yerlərdə isə bir qədər az olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında orta aylıq temperaturun 10-15 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 3-8 dərəcə isti, bəzi günlərdə 9-13 dərəcə isti təşkil edəcək. Gündüzlər 14-19 dərəcə isti, bəzi günlərdə 22-27 dərəcə isti olacaq. Aylıq yağıntının miqdarının iqlim normasına yaxın (norma 29-126 mm), bəzi yerlərdə isə bir qədər az olacağı gözlənilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında orta aylıq temperaturun 14-18 dərəcə isti təşkil edəcəyi gözlənilir ki, bu da iqlim normasına yaxın və bir qədər yüksəkdir. Gecələr 7-12 dərəcə isti, bəzi günlərdə 13-15 dərəcə isti təşkil edəcək. Gündüzlər 18-23 dərəcə isti, bəzi günlərdə 26-31 dərəcəyədək yüksələcək. Aylıq yağıntının miqdarının iqlim normasına yaxın (norma 30-49 mm), bəzi yerlərdə isə normadan bir qədər az olacağı gözlənilir.
Masallı, Yardımlı, Lerik, Lənkəran və Astara rayonlarında orta aylıq temperatur 12-16 dərəcə isti təşkil edəcək ki, bu da iqlim normasına yaxın və bir qədər yüksəkdir. Gecələr 6-11 dərəcə isti, bəzi günlər 12-14 dərəcə isti olacaqdır. Ayın birinci yarısında dağlarda 0-5 dərəcə isti gözlənilir. Gündüzlər 16-21 dərəcə isti, bəzi günlərdə 25-30 dərəcə isti təşkil edəcəkdir. Aylıq yağıntının miqdarının iqlim normasına yaxın (norma 41-72 mm), bəzi yerlərdə isə bir qədər az olacağı gözlənilir.
Bölmənin digər xəbərləri
