“AQRARKREDİT” ŞƏKİ FİLİALI SAHİBKARLIĞIN İNKİŞAFINA KÖMƏK GÖSTƏRİR
Filialın müdiri Yunus Abdulkərimov AZƏRTAC-ın müxbirinə bildirmişdir ki, səhmdar kredit təşkilatının bölgə nümayəndəliyi TASİS proqramı çərçivəsində həyata keçirilən «Kənd Yerlərinin Kreditləşməsi» layihəsində də yaxından iştirak edir. Həmin layihəyə uyğun olaraq, fermer təsərrüfatlarının inkişafına kömək göstərmək və kənd yerlərində sosial-iqtisadi inkişafa yardım etmək məqsədi ilə filial tərəfindən son iki ildə bölgə rayonlarında 106 nəfər fiziki və hüquqi şəxsə 2 milyard 557 milyon manat (511,4 min AZN), o cümlədən təkcə 2005-ci ildə 87 sahibkarlıq subyektinə 2 milyard 89 milyon manat (417,8 min AZN) məbləğində güzəştli kredit verilmişdir. Kreditlərin geri qaytarılmasında heç bir problem yoxdur və qrafikin tələblərinə ciddi əməl olunur.
Bölmənin digər xəbərləri
