AQROSERVİSLƏR KƏND TƏSƏRRÜFATI MƏHSULLARI İSTEHSALININ ARTMASINA TƏKAN VERİR
Respublikanın bütün rayonlarında aqroservislər yaradılmışdır. Bu gün “Aqrolizinq” ASC-nin 55 rayonda aqroservis filialları, 107 mexanikləşdirilmiş servis xidməti dəstələri fəaliyyət göstərir.
Kənd təsərrüfatı naziri İsmət Abasov AZƏRTAC-a bildirmişdir ki, 2005-2008-ci illərdə “Aqrolizinq” ASC tərəfindən respublikaya 1924 traktor, 565 taxılyığan kombayn, 4634 müxtəlif təyinatlı kənd təsərrüfatı maşınları, 140 ekskavator, 7189 ton buğda toxumu, 23,7 min ton mineral gübrə, 26 müxtəlif texnoloji avadanlıq, o cümlədən hər birinin tutumu 1000 ton olan 13 soyuducu kamera, 6 süd və 7 yem zavodu avadanlığı gətirilmişdir. Hazırda onların əksəriyyətində quraşdırma işləri yekunlaşmışdır. Aqroservislərin gücü ilə 520 min hektardan çox sahədə taxıl biçilmiş, 1 milyon 928 min hektar sahə şumlanmış, malalanmış və səpilmişdir.
Bölmənin digər xəbərləri
