Arxeoloqlar üçün dəyərli mənbə: yeni monoqrafiya çapdan çıxıb
Bakı, 30 noyabr, AZƏRTAC
Xəzər Universitetinin müəllimi, tarix üzrə fəlsəfə doktoru, dosent Roza Arazovanın “Əliköməktəpə erkən əkinçilik yaşayış yerinin əmək alətləri və təsərrüfatı trasoloji tədqiqat əsasında” adlı monoqrafiyası çapdan çıxıb.
Universitetdən AZƏRTAC-a bildirilib ki, monoqrafiya Əliköməktəpə yaşayış məskəninin oturaq əkinçi-maldar əhalisinin əmək alətlərinin öyrənilməsinə və təsərrüfatın rekonstruksiyasına həsr olunub. Əsərdə trasoloji metod və eksperimental təcrübələrlə əkinçilik və heyvandarlıqla bağlı çoxlu alət müəyyənləşdirilib. Nəşrdə Azərbaycan və ingilis dillərində geniş xülasə və ədəbiyyat siyahısı verilib.
Monoqrafiya arxeoloq və tarixçilər üçün nəzərdə tutulub.
Bölmənin digər xəbərləri
