AŞPA-nın komitə iclasında ölkəmizdəki gender bərabərliyindən danışılıb
Strasburq, 28 aprel, AZƏRTAC
Dünyada baş verən münaqişələr gender bərabərliyinin inkişafına mane olur, qadınlar isə ayrı-seçkilik və hədə-qorxuların qaçılmaz qurbanına çevrilirlər. Münaqişələrdən əziyyət çəkən qadınların qarşılaşdığı çətinliklərin aradan qaldırılması və onların qərarların qəbulu prosesində iştirakının təmin olunması məqsədilə Azərbaycan hökuməti tərəfindən Milli Fəaliyyət Planı hazırlanıb.
AZƏRTAC xəbər verir ki, bu fikirləri AŞPA-dakı nümayəndə heyətimizin üzvü Könül Nurullayeva qurumun Bərabərlik və qeyri-diskriminasiya komitəsinin iclasında “Sülh barışığında qadınlar üçün ədalət və təhlükəsizlik” adlı mövzunun müzakirəsindəki çıxışında deyib.
K. Nurullayeva komitənin gündəliyindəki bu mühüm problemin həll olunması istiqamətində təkliflərini irəli sürüb. Sülh təhsili mərkəzlərinin təşkilinin, effektiv ədalət mexanizmlərinin və insan hüquqları üzrə milli institutların yaradılmasının vacibliyini vurğulayaraq, bu yolla sülh barışığı prosesində ədalətin təmin ediləcəyini bildirib.
Şəhla Ağalarova
AZƏRTAC-ın xüsusi müxbiri
Strasburq
Bölmənin digər xəbərləri
