Aşqabadda növbəti Türkmənistan-Rusiya hökumətlərarası danışıqları olub
Aşqabad, 7 may, AZƏRTAC
Aşqabadda Rusiya Federasiyasının Baş nazirinin müavini, Hökumət Aparatının rəhbəri Konstantin Çuyçenkonun başçılıq etdiyi nümayəndə heyətinin iştirakı ilə Rusiya-Türkmənistan danışıqları keçirilib.
AZƏRTAC xəbər verir ki, Türkmənistan Prezidenti Qurbanqulu Berdiməhəmmədovla görüşdə siyasi, iqtisadi-ticarət və mədəni-humanitar sahələrdə Türkmənistan-Rusiya münasibətlərinə dair aktual məsələlər müzakirə olunub.
Türkmənistan Xarici İşlər Nazirliyində Türkmənistan-Rusiya Hökumətlərarası İqtisadi Əməkdaşlıq Komissiyasının 11-ci iclası keçirilib.
Görüşdə tərəflər ikitərəfli əməkdaşlığın əsas aspektlərini, o cümlədən ticarət və iqtisadi məsələləri müzakirə ediblər. Tərəflər iki ölkənin müvafiq nazirlik və idarələri arasında qarşılıqlı faydalı əməkdaşlığın inkişafı, əldə edilmiş razılaşmaların həyata keçirilməsi ilə bağlı məsələlərə toxunaraq, ticarət əməliyyatlarının icrası prosesini müzakirə ediblər.
Tərəflər, həmçinin birgə layihələr, Türkmənistanda Rusiya şirkətlərinin fəaliyyəti məsələləri, eləcə də sənaye, tikinti, nəqliyyat, neft-qaz, qaz-kimya və energetika sahələrində əməkdaşlığın perspektivlərini nəzərdən keçiriblər.
Görüşün sonunda ikitərəfli sənədlər imzalanıb.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
