ASTARADA AQRAR SAHƏNİN İNKİŞAFINA DİQQƏT ARTMIŞDIR
AZƏRTAC xəbər verir ki, regionların sosial-iqtisadi inkişafı Dövlət Proqramında nəzərdə tutulan tədbirlərə müvafiq olaraq Astara rayonunda aqrar sahənin inkişafına diqqət artmışdır.
«Kənd təsərrüfatı məhsulları istehsalçılarına dövlət dəstəyi haqqında» Prezident İlham Əliyevin Sərəncamına müvafiq olaraq rayonda həyata keçirilən tədbirlər məhsul istehsalının artımına əlverişli şərait yaratmışdır.
Bu məqsədlə rayon icra hakimiyyətində yaradılan komissiya tərəfindən aqrar bölmədə çalışan 383 nəfərə 33.475 manat vəsaitin verilməsi təmin edilmişdir.
Bütün bunların nəticəsidir ki, 2007-ci ildə rayonda 53.890 ton tərəvəz, 25 min tona yaxın sitrus və subtropik meyvə, 12 min ton kartof, 3 min ton çəltik, 270 ton yaşıl çay yarpağı istehsal edilmişdir. Bu müddətdə heyvandarlıq sahəsində də böyük irəliləyiş olmuşdur.
Bölmənin digər xəbərləri
